- २०८१ बैशाख ८ शनिबार
काठमाडौँ । इन्टरमिलानले कोपा इटालियाको उपाधि जितेको छ ।
गएराती सम्पन्न फाइनल खेलमा इन्टर मिलानले फियोरेन्टिनालाई २-१ गोल अन्तरले पराजित गर्दै इन्टर मिलानले लगातार दोस्रो पटक कोपा इटालियाको उपाधि जितेको हो ।
इन्टर मिलानको जितमा लाउतारो मार्टिनेजले दुवै गोल गरेका हुन् । उनले २९ र ३७औं मिनेटमा गोल गरेका थिए । यस अघि खेलको तेस्रो मिनेटमा नै निकोलास गोन्जालेजले गोल गर्दै फियोरेन्टिनालाई अग्रता दिलाए पनि सो अग्रता जोगाउन असफल भएको थियो ।
यो सँगै इन्टर मिलानले कोपा इटालियाको उपाधि नवौं पटक जितेको छ ।
कोपा इटालियाको उपाधि सबै भन्दा बढी जित्ने क्लब भने युभेन्टस हो । युभेन्टसले १४ पटक यो उपाधि जितेको छ भने रोमा र इन्टर मिलानले यो ९-९ पटक जितेका छन् ।
