काठमाडौँ । बलिवुड अभिनेत्री ऐश्वर्या राय २१औं पटक कान्स फिल्म फेस्टिभलमा सहभागी भएकी छन् ।
अभिनेत्री राय ७६औँ कान्स फिल्म फेस्टिभलमा बिहीबार सहभागी भएकी हुन् । ऐश्वर्य राय कान्सको रातो कार्पेटमा लामो ट्रेलहरूसहित ठूलो हुडीसहितको चाँदी र कालो गाउन लगाएर उपस्थित भएकी थिइन् ।
उनको लुक सामाजिक सञ्जालमा भाइरल भइरहेको छ । ऐश्वर्यको यो ड्रेस सोफी कउचरद्वारा डिजाइन गरिएको थियो ।
ऐश्वर्या लगातार २१ वर्षदेखि यस फिल्म फेस्टिभलमा सहभागी हुँदै आएकी छिन् । उनले २००२ मा कान्स डेब्यू गरेकी थिइन् । फिल्म देवदासको सफलतापछि ऐश्वर्या पहिलो पटक शाहरुख खान र निर्देशक सञ्जय लीला भन्सालीसँग यस कार्यक्रमको हिस्सा बनकी थिइन् ।