काठमाडौँ । स्पेनिस ला लिगा अन्तर्गत एटलेटिको म्याड्रिडले रियल बेटिसलाई पराजित गरेको छ ।
आइतबार सम्पन्न खेलमा एटलेटिको म्याड्रिडले रियल बेटिसलाई २-१ गोल अन्तरले पराजित गरेको हो ।
एटलेटिको म्याड्रिडको जितमा एन्टोनी ग्रीजम्यानले दुवै गोल गरेका थिए । ग्रीजम्यानले खेलको ५४औं र ७१औं मिनेटमा गोल गरेका थिए ।
त्यस्तै रियल बेटिसका लागि नाबिल फेकिरले गोल गरेका थिए ।
यो जितपछि एटलेटिको म्याड्रिडको ११ खेलमा २३ अंक भएको छ र लिगमा तेस्रो स्थानमा रहेको छ ।
त्यस्तै रियल बेटिसको ११ खेलमा २० अंक रहेको छ र लिगमा पाँचौं स्थानमा रहेको छ ।