काठमाडौँ । नेपाली महिला राष्ट्रिय फुटबल टोलीका प्रशिक्षक कुमार थापाले प्रशिक्षक पदबाट राजीनामा दिने घोषणा गरेका छन् ।
सोमबार सम्पन्न साफ महिला च्याम्पियनसिपको फाइनलमा बंगलादेशसँग ३-१ को हार बेहोरेपछि प्रशिक्षक थापाले आफु पदमा नरहने बताएका हुन् । थापाले यसै प्रतियोगिताको सुरुवातमा प्रशिक्षकको जिम्मेवारी पाएका थिए ।
यसपटक नेपालको चिरपरिचित प्रतिद्वन्दी भारतलाई सेमिफाइनलमा हराएर उपाधि जित्न हौसिएको नेपाली टिम फाइनलमा बंगलादेशसँग हारेको थियो ।