काठमाडौं । साफ महिला च्याम्पियनिशपमा नेपालले भारतलाई हराउँदै नेपाल फाइनलमा प्रवेश गरेको छ ।
आज भएको दोस्रो सेमिफाइनल खेलमा नेपालले भारतसँगको खेलमा एक गोलले पराजीत गरेको हो । नेपालका लागि लक्ष्मी घिसिङले पहिलो हाफको इन्ज्युरी समयमा गोल गरेकी थिइन् । नेपालका लागि लक्ष्मीको गोल नै निर्णायक बन्यो ।
यसअघि आजै भएको पहिलो सेमिफाइनल खेलमा भुटानलाई आठ–शून्य गोलले हराउँदै बङ्ग्लादेश फाइनलमा पुगेको छ । अब नेपालले फाइनलमा बङ्ग्लादेशसँग खेल्नेछ ।
नेपाल समुह बि को विजेता हुदै सेमिफाइनलमा पुगेको हो भने भारत समुह ए मा उपविजेता बनेर सेमिफाइनल खलेको हो । नेपालले यसअघि समुह चरणका खेलमा भुटानलाई ४–० र श्रीलंकालाई ६–० गोल अन्तरले पराजित गरेको थियो ।
त्यस्तै भारतले समुह ए मा पाकिस्तानलाई ३–० ले र माल्दिभ्सलाई ९–० ले पराजति गरेको थियो । तर समुह चरणको अन्तिम खेलमा भारत बंगलादेशसँग ३–० ले पराजित भएको थियो ।