गृहमन्त्रालयद्वारा एकै दिन ३१ सिडियोको सरुवा (सुची सहित)

खरीबोट

फाइल तस्विर

काठमाडौँ । गृहमन्त्रालयले काठमाडौं सहित विभिन्न ३१ जिल्लामा प्रमुख जिल्ला अधिकारी(सिडियो) को सरुवा गरेको छ । गृहमन्त्रालयले काठमाडौको प्रमुख जिल्ला अधिकारीमा केदारनाथ शर्मालाई सरुवा गरेको छ । शर्मालाई केहि दिन अघिमात्रै संघीय मामिला तथा स्थानीय विकास मन्त्रालयमा सरुवा गरिएको थियो ।

यसैगरी रुपन्देहीका सिडियो विनोद प्रसाद साहलाई पर्सामा, बागलुङ ऋषिराम तिवारीलाई झापामा, गृहमन्त्रालयका रामप्रसाद आचार्यलाई मोरङमा, मन्त्रालयकै श्याम प्रसाद भण्डारीलाई धादिङमा, बाबुराम श्रेष्ठलाई महोत्तरीमा, भागिरथ पाण्डेलाई सप्तरीमा, महेश आचार्यलाई धादिङबाट स्याङ्जामा , महोत्तरीका सिडियो विरेन्द्र कुरमार यादवलाइ गहमन्त्रालयमा र सप्तरीका कामु सिडियो कृष्ण बहादुर कटुवाललाई परिचय पत्र व्यवस्थापन केन्द्रमा सरुवा गरिएको गृहमन्त्रालयले जनाएको छ ।

त्यस्तै जनकराज पन्तलाई बाँकेको सहायक सिडियोबाट ओखलढुंगाको सिडियोमा, भुपेन्द्र थापालाई गृहमन्त्रालयबाट सोलुखुम्बुको सिडियोमा, कष्ण बहादुर घिमिरेलाई धनकुटाको सहायक सिडियोबाट प्युठानको सिडियोमा, गृहमन्त्रालयका लक्ष्मण विक्रम थापालाई दोलखाको सिडियोमा, गृहकै हिरादेवी पौडेललाई रसुवाको सिडियोमा, जनार्दन गौतमलाई दार्चुलाको सिडियोमा, कृष्णप्रसाद अधिकारीलाई म्याग्दीको सिडियोमा, अध्यागमन विभागका निर्देशक मोहन जिसीलाई ताप्लेजुङको सिडियोमा, यज्ञराज बोहोरालाई दोलखाको सिडियोबाट गृहमन्त्रालयमा, चोमेन्द्र न्यौपानेलाई रसुवाको सिडियोबाट धनकुटाको सहायक सिडियोमा र धर्मनन्द जोशीलाई बुझाङको सिडियोमा सरुवा गरेको मन्त्रालयले जनाएको छ ।

गृहमन्त्रालयले सरुवा गरेको सिडियोको सुची 

सम्बन्धित समाचार

सुन तस्करी प्रकरणको छानबिनलाई प्रभाव पार्न खोजेको भन्दै गृहमन्त्रालयको आपत्ति

काठमाडौं  । गृहमन्त्रालयले साढे ३३ किलो सुन तस्करी प्रकरण र सनम शाक्य हत्या प्रकरणमा पुर्व प्रहरी अधिकारीहरुको सार्वजनिक अभिव्यक्ति प्रति आपत्ति जनाएको छ । सोमबार एक विज्ञप्ति निकाल्दै मन्त्रालयले अहिले विशेष

सरकारले गर्यो एकैपटक ६० सिडिओको सरुवा, को कँहा पुगे (सुची सहित)

काठमाडौं ।  सरकारले विभिन्न जिल्लाका ६० जना प्रमुख जिल्ला अधिकारी (सिडीओ) को सरुवा गरेको छ । गृहमन्त्रालयले गयराति ६० जिल्लाका प्रमुख जिल्ला अधिकारीको एकैचोटी व्यापक सरुवा गरेको हो । सरुवा पर्नेमा

सुरक्षाकर्मीलाई सात दिनभित्र फिर्ता गर्न गृहको निर्देशन

काठमाडौँ । गृह मन्त्रालयले सुरक्षाबाहेक अन्य प्रयोजनमा खटाइएका सुरक्षाकर्मीलाई सात दिनभित्र फिर्ता गर्न नेपाल प्रहरी र सशस्त्र प्रहरी बललाई निर्देशन दिएको छ ।  सुरक्षाकर्मीलाई घरमा कामदारका रुपमा राख्ने, सुरक्षा खतरा नभएकाहरुले पनि

गृह मन्त्रालयले गर्यो १३ सहसचिव र ३१ उपसचिवको सरुवा (सुची सहित)

काठमाडौं । गृह मन्त्रालयले १३ सहसचिव  र ३१ उपसचिवको सरुवा गरेको छ । जसमध्ये २० जिल्लामा प्रमुख जिल्ला अधिकारी फेरिएका छन् ।  गृह मन्त्रालयका अनुसार  सहसचिवबाट मकवानपुरको सिडियोमा चक्रबहादुर बुढालाई तोकिएको