नेपाललाई पराजित गर्दै भारतले जित्यो साफ च्याम्पियनसिपको उपाधि

खरीबोट

काठमाडौँ । भारतले साफ च्याम्पियनसिपको उपाधि जितेको छ । शनिबार राति सम्पन्न फाइनल खेलमा भारतले नेपाललाई ३-० गोल अन्तरले पराजित गर्दै साफ च्याम्पियनसिप जितेको हो ।

भारतका लागि सुनिल क्षेत्री, सुरेश सिंह वांगजम र शहाल अब्द्दुल समादले एक एक गोल गरेका थिए ।

भारतले खेलको ४९औ, ५०औ र ९१औ मिनेटमा गोल गरेको थियो ।

फाइनल खेलको पहिलो हाफको खेल सकिदा गोलरहित बराबरीमा सकिएको थियो ।

भारतले योसँगै आठौ पटक साफको उपाधि जितेको छ । यसअघि भारतले १९९३, १९९७, १९९९, २००५, २००९, २०११ र २०१५ मा साफ च्याम्पियनसिपको उपाधि जितेको थियो ।  

योसँगै साफ च्याम्पियनसिपको इतिहासमा पहिलो पटक फाइनलमा पुगेको नेपालले उपविजेतामा चित्त बुझाएको छ ।

सम्बन्धित समाचार