वीरगंज । वीरगंजस्थित मनोकामना पाईप उद्योगको गोदाममा सोमबार दिउसो आगलागी भएको छ ।
वीरगंज महानगरपालिका वडा नं.१३ तेजारथ टोलमा रहेको मनोकामना पाईप उद्योगको गोदाममा दिउसो करिब १ बजेको समयमा आगो लागेको हो ।
गोदाम रहेको करिब १० लाख बराबरको पाईप जलेर नष्ट भएको अनुमान प्रहरीले गरेको छ । कुनै किसिमको मानवीय क्षति भने नभएको जिल्ला प्रहरी कार्यालय पर्साले जनाएको छ ।
घना बस्तीका बिचमा गोदाम रहेको हुनाले छेउमा रहेको २ वटा घरमा समेत आगो लागेको थियो । आगलागिको कारण भने अहिले खुलेको छैन ।
नेपाल प्रहरी, सशस्त्र प्रहरी, नेपाली सेना, स्थानीय तथा वीरगंज महानगरपालिकाको वारूणयन्त्रको सहयोगमा आगोलाई नियन्त्रणमा लिएको छ ।