- २०८१ मङ्सिर २ आइतबार
काठमाडौँ । जिल्ला अदालत काठमाडौँले बलात्कारको अभियोगमा पुर्पक्षका लागि थुनामा रहेका पूर्वसभामुख कृष्णबहादुर महरालाई सफाई दिएको छ ।
सोमबार मुद्धाको फैसला गर्दै महरालाई जिल्ला अदालतका न्यायाधीश अमरराज पौडेलको इजलासले सफाई दिएको हो ।
बलात्कारको प्रयासको मुद्दामा सफाइ दिएको काठमाडौँ जिल्ला अदालतका स्रेस्तेदार आनन्दप्रसाद श्रेष्ठले जानकारी दिए ।
यसअघि आइतबार सुनुवाइ शुरु भए पनि समयाभावका कारण हेर्दाहेर्दै आजका लागि राखिएको थियो ।
महरालाई पुर्पक्षका लागि डिल्लीबजार कारागारमा राखिएकोमा अदालतको सफाई पछि आजै रिहा हुने भएका छन् ।
महराविरुद्ध बलात्कार प्रयासमा पाँच वर्ष र विशिष्ट व्यक्ति भएकाले थप साढे दुई वर्ष गरी साढे सात वर्षसम्मको कैद सजाय माग गरिएको थियो ।
संसद सचिवालयमै कार्यरत महिला कर्मचारीलाई बलात्कार प्रयासको आरोपमा गत असोज १९ गते प्रहरीले पक्राउ अनुसन्धान शुरु गरेको थियो ।
