- २०८१ बैशाख २१ शुक्रबार
काठमाडौँ। बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक) को चौथो शिखर सम्मेलन आज अपराह्न एक विशेष समारोहका बीच काठमाडौँको सोल्टी होटलमा सुरु हुदै छ । प्रधानमन्त्री एवं बिम्स्टेकका अध्यक्ष केपी शर्मा ओलीले सम्मेलन उद्घाटन गर्दै छन् ।
सम्मेलनमा भाग लिन आज बिहान बंगलादेशकी प्रधानमन्त्री शेख हसिना वाजेद र भारतीय प्रधानमन्त्री नरेन्द्र मोदी काठमाडौं आइपुगेका छन् । उनीहरु दुवै जना सम्मेलनस्थल सोल्टी होटल पुगिसकेका छन् । उनीहरुलाई त्रिभुवन विमानस्थलको अति विशष्ट कक्षमा उपप्रधानमन्त्री तथा रक्षामन्त्री ईश्वर पोखरेलले स्वागत गरेका थिए ।
सम्मेलनमा भाग लिनका लागि यसअघि म्यानमारका राष्ट्रपति विन मिन्ट, भुटानका अन्तरिम सरकारका प्रमुख सल्लाहकार ग्योल्पो छिरिङ वाङ्चुक र श्रीलंकाका राष्ट्रपति मैत्रीपाला सिरिसेना यसअघि नै काठमाडौँ आइपुगिसकेका छन् ।
अब थाइल्यान्डका प्रधानमन्त्री प्रायुत व चा काठमाडौँ आउँ बाँकी रहेका छन् उनी केहि समय मै काठमाडौँ आइपुग्ने बताइएको छ। उनको स्वागतका लागि विमानस्थलमा उपप्रधानमन्त्री तथा रक्षामन्त्री ईश्वर पोखरेल र सुरक्षासंयन्त्र तयारी अवस्थामा रहेको छ ।
...
