- २०८३ असोज ११ आइतबार
पाल्पा । पाल्पाको माथागढी गाउँपालिका–२ रुक्सेमा बारीको ढिस्को खस्दा घर पुरिएर ७५ वर्षीय शेरबहादुर चिडी मगरको मृत्यु भएको छ ।
आइतबार बिहान करिब २: ३० बजे बारीको ढिस्को खसेर शेरबहादुरको घर पुरिएको थियो । घरभित्र रहेका उनलाई उद्धार गरी उपचारका लागि जिल्ला अस्पताल तानसेन लगिएको थियो ।
उपचारका क्रममा बिहान ९: ०५ बजे चिकित्सकले उनलाई मृत घोषणा गरेका हुन् । घरमा रहेका अन्य चार जना भने सुरक्षित रहेको जनाइएको छ ।
