- २०८३ असोज ८ बिहीबार
इलाम । भारी तथा अति भारी वर्षाको सम्भावनालाई मध्यनजर गर्दै जिल्ला प्रशासन कार्यालय इलामले असोज ८ गते बेलुकादेखि असोज ११ गते बिहानसम्म रातिको समयमा सवारी आवागमन बन्द गर्ने निर्णय गरेको छ।
प्रशासनका अनुसार प्रत्येक दिन बेलुकी ७ बजेदेखि बिहान ५ बजेसम्म मेची राजमार्ग, मेची करिडोरलगायत जिल्लाका सबै सडकमा सवारी सञ्चालनमा रोक लगाइनेछ ।
गत वर्षको वर्षाका कारण सडक तथा पुलहरू अझै जोखिमपूर्ण अवस्थामा रहेकाले सम्भावित दुर्घटना रोक्न यस्तो निर्णय गरिएको हो । प्रशासनले अत्यावश्यक कामबाहेक राति यात्रा नगर्न र अत्यावश्यक अवस्थामा सुरक्षा निकायसँग समन्वय गरेर मात्र यात्रा गर्न आग्रह गरेको छ ।
