- २०८३ असोज ४ आइतबार
काठमाडौँ । यमनका हुथी विद्रोहीले साउदी अरबको राजधानी रियादतर्फ प्रहार गरेको क्षेप्यास्त्र साउदी वायुसेनाले आकाशमै नष्ट गरेको जनाएको छ ।
क्षेप्यास्त्र प्रहारको केही समयअघि रियादस्थित किङ खालिद अन्तर्राष्ट्रिय विमानस्थलनजिक इन्धन भण्डारण केन्द्रमा आगलागी भएको थियो । अग्निनियन्त्रकहरूले आगो नियन्त्रणमा लिएका छन् ।
हुथीले रियादसहित साउदी अरबका विभिन्न स्थानमा क्षेप्यास्त्र र ड्रोनबाट आक्रमण गरेको दाबी गरेको छ । साउदी पक्षले भने तीमध्ये अधिकांश आक्रमण आफ्नो हवाई प्रतिरक्षा प्रणालीले विफल पारेको जनाएको छ ।
आक्रमणपछि रियादमा हवाई आक्रमणको चेतावनी जारी गरिएको थियो भने विमानस्थलको उडान सेवामा केही समय अवरोध देखिएको थियो । पछिल्लो घटनाले साउदी अरब र हुथीबीचको तनाव थप बढेको छ ।
