- २०८३ भदौ ४ बिहीबार
2026-06-26-05-49-27.jpeg)
काठमाडौँ । जापानमा आयोजना हुने २०औँ एसियाली खेलकुदको तयारीका लागि नेपाली टेनिस टोली वैदेशिक प्रशिक्षणमा सहभागी हुन भारतको बैङ्गलुरु जाने भएको छ ।
तीन खेलाडीसहित चार सदस्यीय नेपाली टोलीले बैङ्गलुरुस्थित रोहन बोपन्ना टेनिस एकेडेमीमा प्रशिक्षण गर्नेछ । टोलीमा प्रदीप खड्का, निसान श्रेष्ठ र स्वस्तिका विष्ट खेलाडीका रूपमा रहेका छन् भने रेणुदेवी कोण्डा प्रशिक्षकका रूपमा टोलीसँग जानेछिन् ।
प्रशिक्षणका लागि भारत जान लागेको टोलीलाई राष्ट्रिय खेलकुद परिषद्का उपाध्यक्ष विशाल श्रेष्ठ, सदस्य–सचिव रामचरित्र मेहता, कार्यकारी समितिकी सदस्य सिक्का सुवाल श्रेष्ठ तथा नेपाल टेनिस संघका अध्यक्ष मनोहरदास मुललगायतले एक कार्यक्रमबीच बिदाइ गरेका छन् ।
एसियाली खेलकुदलाई लक्षित गर्दै भारतमा हुने प्रशिक्षणले नेपाली खेलाडीको तयारी थप मजबुत हुने अपेक्षा गरिएको छ ।
