- २०८३ श्रावण २९ शुक्रबार
2026-06-26-05-49-27.jpeg)
काठमाडौँ । नेपाली कांग्रेसका पूर्व सभापति शेरबहादुर देउवाले देशको इतिहासलाई गर्व गर्नुपर्ने बताएका छन् ।
संस्थापन इतर पक्षको राष्ट्रिय सभालाई सम्बोधन गर्दै देउवाले इतिहासलाई उपेक्षा गरेर अगाडी बढ्न नसकिने भन्दै देशको इतिहासप्रति गर्व गर्नुपर्ने बताएका हुन् । देउवाले अहिले देश संकटमा रहेको भन्दै कांग्रेसको जिम्मेवारी अझ बढेको बताए ।
विशेष महाधिवेशनको नाममा कांग्रेसलाई कमजोर बनाउने प्रयास भएको भन्दै सर्वोच्च अदालतबाट न्याय हुने कुरामा आफु विश्वस्त रहेको बताए ।
पार्टीमा चरम विवाद हुदा पनि सहकार्य र मेलमिलाप गरेको इतिहास कांग्रेसको रहेको भन्दै देउवाले सबै नेता तथा कार्यकर्तालाई पार्टी एकतामा रहन आव्हान समेत गरेका छन् ।
देउवाले देशमा आर्थिक र सामाजिक समस्या कायम रहेको भन्दै संबिधानका अहिलेसम्मका कार्यान्वयनबाट देखिएका समस्याहरुलाई सबैको सहमतिमा समाधान गर्नुपर्ने बताए ।
