- २०८३ श्रावण २२ शुक्रबार
2026-06-26-05-49-27.jpeg)
वीरगञ्ज । पर्साको वीरगञ्ज महानगरपालिका–१४ बाइपास सडकस्थित एक पेट्रोल पम्पमा पेट्रोलियम पदार्थ बोकेको ट्याङ्करबाट अनधिकृत रूपमा तेल चोरी गरी बिक्री वितरण गरिरहेको आरोपमा सात जनालाई प्रहरीले पक्राउ गरेको छ ।
बिहीबार साँझ आईसीपीबाट जाँचपास गरी नेपाल प्रवेश गरेको ना ७ ख १५३९ नम्बरको ट्याङ्करबाट सिल उचालेर फलामको पाइपमार्फत तेल निकालिरहेको अवस्थामा उनीहरूलाई सौदागर आयल सेन्टरबाट पक्राउ गरिएको प्रहरीले जनाएको छ ।
पक्राउ पर्नेमा पेट्रोल पम्पका सञ्चालक, लेखा कर्मचारी, क्यासियर तथा दुई ट्याङ्करका चालक र सहचालक गरी सात जना रहेका छन् ।
प्रहरीले घटनामा प्रयोग भएका ट्याङ्करसमेत नियन्त्रणमा लिएको र घटनाबारे थप अनुसन्धान भइरहेको जनाएको छ ।
