पोखरा एभेन्जर्सले शकिब अल हसनलाई भित्र्यायो

काठमाडौँ । नेपाल प्रिमियर लिग (एनपीएल) को आगामी तेस्रो सिजनमा बंगलादेशका चर्चित अलराउण्डर शकिब अल हसन खेल्ने भएका छन् ।

सकिबलाई पोखरा एभेन्जर्सले यस सिजनका लागि भित्र्याएको हो । ३९ बर्षिय शकिबले आइपिएल, बिग बास लिगदेखि विश्वका कैयौं टी- २० खेलेका छन् ।   

राष्ट्रिय टिममा भने उनी २०२४ को अक्टोबरदेखि खेलेका छैनन् । शकिब एक समय विश्वकै उत्कृष्ट अलराउण्डर रहेका थिए ।

कुशल भुर्तेलको नेतृत्वमा रहेको पोखरामा सागर ढकाल, अर्जुन कुमाल, विपिन खत्री, आकाश चन्द, किरण ठगुन्ना, दिनेश खरेल, सन्नी विक, विवेक राना मगर, सुदिप अर्याल, अर्जुन घर्ति, प्रतिक पोखरेल र विपिन आचार्यलगायतका नेपाली खेलाडी रहेका छन् ।