- २०८२ कार्तिक १० सोमबार
काठमाडौँ । बलिवुड अभिनेत्री काजोल र अभिनेता शाहरुख खान अभिनित सुपरहिट फिल्म 'दिलवाले दुल्हनिया (डिडिएलजे) ले जाएंगे' रिलिज भएको ३० वर्ष पूरा भएको छ । यो फिल्म अक्टोबर २०, १९९५ मा रिलिज भएको थियो ।
फिल्म डिडिएलजेप्रति आफ्नो प्रेम व्यक्त गर्दै, काजोलले स्विट्जरल्याण्डको रेलवे स्टेशनको प्रवेशद्वारमा राखिएको बर्गर पसलको प्रचारात्मक पोस्टरको फोटो पनि सेयर गरेकी छन् । काजोलले पोस्टसँगै लेखेकी छिन्- 'डिडिएलजेले आज ३० वर्ष पूरा गरेको छ, तर यो जसरी संसारभरि र सबैको मन र दिमागमा फैलिएको छ, त्यो अतुलनीय छ, यसलाई अभूतपूर्व रूपमा माया गर्नुभएकोमा सबैलाई धन्यवाद ।'
आदित्य चोपडाद्वारा निर्देशित 'डिडिएलजे' भारतीय सिनेमाको इतिहासमा सबैभन्दा लामो समयसम्म चल्ने फिल्महरू मध्ये एक हो । अक्टोबर २०, १९९५ मा रिलिज भएदेखि, यो मुम्बईको मराठा मन्दिरमा अहिले पनि देखाइने गरको छ । आइतबार ३० बर्षपछि पनि यस फिल्मलाई ५०० जनाले हेरेको बताइएको छ ।
'डिडिएलजे' को ठूलो भाग स्विट्जरल्याण्डमा छायांकन गरिएको थियो । यस फिल्ममा शाहरुख र काजोलसहित अमरिश पुरी अनुपम खेर, फरिदा जलाललगायतको अभिनय रहेको छ । यस फिल्मको निर्देशन आदित्य चोपडाले गरेका थिए ।
