- २०८३ जेठ २१ बिहीबार
काठमाडौँ । भारतीय क्रिकेटर यश दयालको गिरफ्तारीलाई इलाहाबाद उच्च अदालतले रोक लगाएको छ ।
यौन उत्पीडन मुद्दामा अर्को सुनुवाइ नभएसम्म रोयल च्यालेन्जर्स बैंगलोर (आरसीबी) का लागि खेल्ने दयालविरुद्ध कुनै दण्डात्मक कारबाही नगर्न अदालतले निर्देशन दिएको छ ।
भारतीय समाचार एजेन्सी पीटीआईका अनुसार, न्यायाधीश सिद्धार्थ वर्मा र न्यायाधीश अनिल कुमारको इजलासले एफआईआरलाई चुनौती दिने यश दयालको निवेदनमा यो आदेश दिएको हो ।
गत हप्ता, एक महिलाले क्रिकेटर यश दयालविरुद्ध यौन उत्पीडनको आरोप लगाउँदै एफआईआर दायर गरेकी थिइन् ।
महिलाले उनी पाँच वर्षदेखि दयालसँग सम्बन्धमा रहेको र आफुलाई दुर्व्यवहार गरेको आरोप लगाएकी थिइन् ।
यश दयालविरुद्ध जुलाई ६ मा उत्तर प्रदेशको गाजियाबादको इन्दिरापुरम प्रहरी चौकीमा भारतीय दण्ड संहिताको धारा ६९ अन्तर्गत मुद्दा दर्ता गरिएको थियो ।
