- २०८२ जेठ ५ सोमबार
हेटौडा । मकवानपुरको हेटौँडा उपमहानगरपालिका–१६ र १७ को सिमानामा पर्ने गैरीगाउँको सडकमा बेपत्ता भएको गाडी अहिलेसम्म पनि फेला पर्न सकेको छैन ।
यही वैशाख १९ गते सडकमा भासिएको भानियेको बोलेरो जीप लगातारको खोजपछि पनि भेटाउन नसकिएको प्रहरीले जनाएको छ ।
यस घटनाको अध्ययननिम्ति आएको भूगर्भविद्को टोली जीप फेला नपारी फर्किएको छ । उक्त टोलीले जीप भासिएको भनिएको स्थान वरिपरि बोरिङ गरिएको पानी संकलन गरेर ल्याब परीक्षणका लागि साथ लिएर बुधबार काठमाडौं फर्किएको हो । टोलीले पानीको ल्याब परीक्षणबाट प्राप्त हुने रिपोर्टपछि दोस्रो चरणको अनुसन्धान र खोजतलास कार्यलाई तीव्रता दिइने बताएको छ ।
टोलीले मंगलबार र बुधबार उक्त स्थान वरिपरि खोजतलास गरेको थियो । तर, हालसम्म जीप फेला नपरेको जिल्ला प्रहरी कार्यालयका प्रवक्ता एवं डीएसपी श्यामु अर्यालले जानकारी दिएका छन् ।
अहिले भासिएको स्थान वरिपरि आवतजावत रोकिएको प्रहरीले जनाएको छ ।
