- २०८३ कार्तिक १३ शुक्रबार
काठमाडौं । नेपाल बार एसोसिएसनको निर्वाचनअन्तर्गत मतगणना जारी छ ।
पछिल्लो मत परिणामानुसार, अध्यक्षका प्रतिस्पर्धी बृहत् लोकतान्त्रिक, प्रगतिशली, पेसागत, राष्ट्रवादी एवं समावेशी कानुन व्यवसायी समूहबाट वरिष्ठ अधिवक्ता प्रा.डा.विजयप्रसाद मिश्रले एक हजारभन्दा बढी मतले अग्रता हासिल गरेका छन् । मिश्रले २०१० मत प्राप्त गरेका छन् । त्यस्तै उनका निकटतम प्रतिष्पर्धीमा व्यवसायिक कानुन व्यवसायी समूहका वरिष्ठ अधिवक्ता रमण श्रेष्ठले १००७ मत प्राप्त गरेका छन् ।
त्यस्तै अध्यक्षका अर्का उमेदवार राजु कैदीले ९, उज्वल घिमिरेले ५ र आशीष पौडेलले १५ मत पाएका छन् ।
यस्तै, महासचिवमा मिश्र प्यानलका केदारप्रसाद कोइराला फराकिलो अन्तरले अगाडी रहेका छन् । उनले १९८९ मत प्राप्त गरेका छन् । त्यस्तै श्रेष्ठ प्यानलका यज्ञमणि न्यौपानेले ८७८ मत ल्याएका छन् भने हरिशंकर कार्कीले ६६ मत पाएका छन् ।
त्यसैगरी कोषाध्यक्षमा जगतबहादुर कार्कीले २०७१, दीपक राईले ७३५ र विष्णुप्रसाद सापकोटाले १०३ मत पाएका छन् ।
बारको नयाँ कार्यसमिति चयनका लागि शनिबार मतदान भएको थियो । बारमा नौ हजार ९५७ मतदाता रहेकामा ८० प्रतिशत मत खसेको थियो । कुल २५ जना रहने कार्यसमितिका लागि ५७ जनाको उम्मेदवारी परेको थियो ।
