- २०८१ मङ्सिर १० सोमबार
काठमाडौं । नेपाल धितोपत्र बोर्डको अध्यक्षमा सन्तोषनारायण श्रेष्ठ नियुक्त भएका छन् ।
सोमबार बसेको मन्त्रिपरिषद्को बैठकले श्रेष्ठलाई अध्यक्ष नियुक्त गरेको सरकार प्रवक्ता एवं सञ्चार तथा सूचना प्रविधि मन्त्री पृथ्वीसुब्बा गुरूङले जानकारी दिएका हुन् ।
राजनीतिक विवादका कारण लामो समयदेखि धितोपत्र बोर्डले नेतृत्व पाउन सकेको थिएन । तत्कालीन अध्यक्ष रमेश हमालको कार्यकाल गत साल पुस २० गते सकिएसँगै बोर्ड नेतृत्वविहीन रहेको थियो ।
