- २०८१ मङ्सिर ३ सोमबार
काठमाडौं । नेकपा (माओवादी केन्द्र) को तर्फबाट कीर्तिपुर नगरपालिकाको मेयरमा प्रमुखमा प्रा.डा.शिवशरण महर्जनले उम्मेदवारी दर्ता गराएका छन् ।
अगामी मंसिर १६ गते हुने स्थानीय तह उपनिर्वाचनको लागि मनोनयन दर्ता गराउने मिति आजका लागि तोकिएको थियो । कीर्तिपुरमा माओवादी केन्द्र र नेकपा (एकीकृत समाजवादी) बीच तालमेल गरेर जाने सहमति भएको छ ।
माओवादीलाई कीर्तिपुरमा एकीकृत समाजवादीले सघाउने र काठमाडौं महानगरको वडा नम्बर १६ को वडा अध्यक्षमा एकीकृत समाजवादीलाई माओवादीले सघाउने सहमति भएको छ । एकीकृत समाजवादीले काठमाडौंको वडा नम्बर १६ मा मीनबहादुर मानन्धरलाई उम्मेदवार बनाएको छ ।
