- २०८१ मङ्सिर १ शनिबार
काठमाडौं । अहिले शानदार प्रदर्शन भइरहेको फिल्म ‘पूर्ण बहादुरको सारङ्गी’ शनिबारबाट देशभरका २० सिनेमा घरहरूमा फिल्म हटाउने भएको छ ।
निर्माण पक्षले मोफसलका २० हलमा ‘पूर्ण बहादुरको सारङ्गी’ शनिबारदेखि प्रदर्शन नहुने जानकारी दिएको हो । निर्माण कम्पनि सेभेन सिजले यी हलहरुले फिल्मको ग्रस कलेक्सनको ‘फेक रिपोर्ट’ दिएको भन्दै फिल्म यी हलहरुबाट हटाउने निर्णय गरिएको बताएको छ ।
ठूलो रकम ग्रस कलेक्सन गरे पनि निर्मातालाई भने न्यून रिपोर्ट देखाएको आरोप यी हलहरुलाई लागेको छ ।
लक्ष्मीपुजाबाट रिलिज भएको ‘पूर्ण बहादुरको सारङ्गी’ अहिले पनि सिनेमा हलमा हाउसफूलका साथ चलिरहेको छ ।
