- २०८१ मङ्सिर ८ शनिबार
बर्दिया । गैंडाको आक्रमणबाट आज बिहान करिब ८ बजेतिर टुरिस्ट गाइडको मृत्यु भएको छ । बर्दियामा एक जना विदेशी पर्यटक घाइते भएका मधुवन नगरपालिका–१ का अध्यक्ष मीनबहादुर थापाले जानकारी दिएका छन् ।
बर्दिया राष्ट्रिय निकुञ्जको मध्यवर्ती क्षेत्र तथा डिभिजन वन अन्तर्गतको बीचमा पर्ने मधुवन–१ डल्लाको शिव सामुदायिक वनभित्र गैंडा अवलोकनका क्रममा गैंडाको आक्रमणबाट ३६ वर्षीय टुरिस्ट गाइड ठाकुरबाबा नगरपालिका–९ का मनमोहन चौधरीको मृत्यु भएको हो ।
गैंडाको आक्रमणबाट घाइते भएका विदेशी पर्यटकलाई उपचारका लागि नेपालगञ्ज पठाइएको छ ।
