काठमाडौं । अफ्रिकन कपमा नामिबियाले ट्युनिसियामाथि ऐतिहासिक जित हासिल गरेको छ ।
गएराती सम्पन्न समुह इ अन्तर्गतको खेलमा नामिबियाले पूर्वच्याम्पियन समेत रहेको ट्युनिसियालाई १-० गोल अन्तरले पराजित गरेको हो ।
यो नामिबियाको अफ्रिका कप अफ नेसन्समा अहिलेसम्मकै पहिलो जित हो ।
यस खेलमा कहल्को ८८औ मिनेटमा डेओन काभेन्डजीले गरेको गोल नै खेलको निर्णायक गोल बनेको थियो ।
समूह ई कै अर्को खेलमा मालीले दक्षिण अफ्रिकालाई २-० ले पराजित गरेको छ । समुहमा माली र नामिबिया ३-३ अंकसहित पहिलो र दोस्रो स्थानमा छन् भने ट्युनिसिया र दक्षिण अफ्रिका तेस्रो र चौथो स्थानमा रहेका छन् ।
यस पटकको अफ्रिका कप अफ नेसन्समा आफ्नो पहिलो खेलमा ट्युनिसियासहित इजिप्ट, घाना, नाइजेरिया, क्यामरुन र अल्गेरिया जस्ता बलिया मानिएका देशले जित निकाल्न असफल भएका छन् ।