काठमाडौं । जारी १९औं एशियन गेम्सको महिला भलिबलमा नेपालले लगातार दोश्र हार बेहोरेको छ ।
चीनको हाङचोउस्थित डि क्यु स्पोर्टस जिम्न्यासियममा आज भएको खेलमा नेपाल दक्षिण कोरियासँग सोझो ३-० को सेटमा पराजित भएको हो । दक्षिण कोरियाले नेपाललाई २५-२१, २५-१४ र २५-११ को सोझो सेटमा पराजित गरेको हो ।
योसँगै नेपालको महिला भलिबलको एशियन गेम्समा यात्रा टुंगिएको छ । नेपालले एशियन गेम्सको महिला भलिबलमा पहिलो पटक भाग लिएको हो ।
यस अघि पुल सी मा रहेको नेपाल भियतनामसँग पनि ३-० को सोझो सेटमा पराजित भएको थियो ।