काठमाडौँ । अमेरिकापछि अब ल्याटिन अमेरिकाको आकाशमा पनि बेलुन उडेको देखाइएको छ ।
शुक्रबार राति, पेन्टागन ब्रिगेडियर जनरल प्याट राइडरले ल्याटिन अमेरिकाबाट अर्को बेलुन आउँदै गरेको बताएका छन् । यसअघि बिहीबार अमेरिकाको मोन्टाना सहरमा एउटा जासुसी बेलुन देखिएको थियो । जसलाई अमेरिकी रक्षा मन्त्रालय पेन्टागनले इन्टेलिजेन्स गेदरिङ बेलुन भनिएको थियो । घटनापछि चीनले माफी मागेको थियो र यो गल्तीले भएको बताएको थियो ।
यस घटनापछि अमेरिकी विदेशमन्त्री एन्टोनी ब्लिन्केनले आफ्नो चीन भ्रमण रद्द गरेका छन् ।
चीनको जासुसी बेलुन अमेरिकाको आकाशमा आएपछि दुई देशबीच कूटनीतिक संकट उत्पन्न भएको छ । मिडिया रिपोर्टका अनुसार अमेरिकी विदेशमन्त्री ब्लिन्केनले आफ्नो चीन भ्रमण रद्द गरेका छन् । उनी आइतबारदेखि दुई दिने चीन भ्रमणमा जाँदै थिए ।
जबकि चीनले आफ्नो विज्ञप्तिमा अमेरिकाले खुफिया जानकारी सङ्कलनका लागि जासुसी बेलुन भनेको नागरिक हवाई जहाज मात्र भएको बताएको छ । जो आफ्नो निश्चित मार्गबाट विचलित भएको थियो । यो केवल मौसम जानकारी को लागी प्रयोग गरिने चीनले बताएको छ ।
जवाफमा अमेरिकाले यो सिभिलियन बेलुन हो भने ६ हजार किलोमिटर टाढा मोन्टानामा कसरी र किन पुग्यो ? भन्दै प्रश्न गरेको छ । अमेरिकाले चीनले निगरानीका लागि यो बेलुन अमेरिका पठाएको दाबि गरेको छ ।
अमेरिकी अधिकारीहरूले चीनको बेलुन कति ठुलो छ भनेर अहिलेसम्म भनेका छैनन् । यद्यपि, यो पत्ता लगाउन सेनाले आफ्ना लडाकु विमानहरू पठाएको थियो ।
अमेरिकाले अझै बेलुन नष्ट गर्ने निर्णय गरेको छैन । जसका कारण यो अझै पनि उनीहरुको आकाशमै छ । न्यूयोर्क टाइम्सको रिपोर्टका अनुसार जनरल राइडरले आफ्नो स्थानको जानकारी आम जनतासँग साझा नगरिने बताएका छन् । तर, यो बेलुन अझै अमेरिकाको बिचमा रहेको उनले बताए ।