पोखरा । संकटा क्लबले त्रिभुवन आर्मी क्लबलाई पराजित गरेको छ । पोखरा रंगशालामा भएको आहा रारा गोल्डकपको तेस्रो क्वाटरफाइनल खेलमा संकटाले आर्मीलाई ३–१ गोल अन्तरले पराजित गरेको हो ।
संकटाको जितमा दुई विदेशी खेलाडी स्टेफेन बिनोङ र मेसुकीले एक एक गोल गरेक थिए एक गोल सुरजज्यु ठकुरीले गरेका थिए । आर्मीका लागि एक मात्र गोल नवयुग श्रेष्ठले पेनाल्टीमार्फत् गरेका थिए ।
अब यो जितपछि संकटाले सेमिफाइनलमा अर्को विभागीय टोली एपीएफको सामना गर्नेछ ।
प्रतियोगिताको अन्तिम क्वाटरफाइनल खेल मंगलबार मनाङ मर्स्याङ्दी र भुटानी युथ स्पोर्टसबीच खेल हुनेछ ।
प्रतियोगितामा चर्च ब्वाइज यस अघि नै मछिन्द्रलाई पराजित गर्दै सेमिफाइनलमा पुगिसकेको छ।