काठमाडौँ । नेकपा एमालेका नेता गोकुल बास्कोटाको घरमा शंकास्पद वस्तु फेला परेको छ ।
भक्तपुरको लोकन्थलीमा रहेको बास्कोटाको घरमा आज बिहान प्लास्टिकभित्र राखेको अवस्थामा शंकास्पद वस्तु फेला परेको प्रहरीले जनाएको छ।
घरअगाडि प्लास्टिकभित्र प्रेसर कुकर देखिएको छ ।
बास्कोटाको घरमा शंकास्पद वस्तु देखिएपछि अहिले घटनास्थलमा नेपाली सेना पुगिसकेको भक्तपुर प्रहरीले जनाएको छ ।
यसअघि ०७६ को फागुन २८ मा बास्कोटाको घरमा बम विष्फोट नै भएको थियो ।