काठमाडौँ । कतार विश्वकपमा इक्वेडरका कप्तान इनर भलेन्सियाले प्रतियोगिताको पहिलो गोल गरेका छन् ।
खेलको १६औं मिनेटमा इक्वेडरले पाएको पेनाल्टीलाई गोलमा परिणत गर्दै ३३ बर्षिय भलेन्सियाले यस विश्वकपकै पहिलो गोल गरेका छन् ।
भलेन्सियाले खेलको तेस्रो मिनेटमा पनि गोल गरेका थिए तर भिडियो असिस्टेन्ट रेफ्रीले अफसाइड दिएपछि सो गोल मान्य भएको थिएन ।
यो गोलसँगै इक्वेडरले आयोजक कतारविरुद्ध १-० को अग्रता हासिल गरेको छ ।