- २०८१ बैशाख २१ शुक्रबार
काठमाडौं । नेपाली काँग्रेसका वरिष्ठ नेता रामचन्द्र पौडेलले भरतपुरमा भावना र उत्तेजनामा आएर काँग्रेसका नेताले उम्मेदवारी दिएको बताएका छन् । बिहीबार भरतपुरमा आयोजित गठबन्धनको चुनावी सभालाई सम्बोधन गर्दै उत्तेजनामा चितवनमा काँग्रेस नेताहरुले उत्तेजनामा आएर उम्मेदवारी दिएको बताएका हुन् ।
मेयर पदका उम्मेदवार रहेका जगन्नाथ पौडेलसहितका नेताहरुलाई आफुले भेटेर कुरा गरेको जानकारी दिदै उनीहरुले धेरै कुरा गर्न नचाहेको बताए ।
नेता पौडेलले आफुहरुको प्रतिष्पर्धा एमालेसँग भएकोले ओली प्रवृतिलाई परास्त गर्न गठबन्धन सहि भएको तर्क गरे ।
देशमा पार्टीहरु मिलेर जानु पर्ने कुरा संबिधानले नै मार्गनिर्देश गरेको बताउदै पौडेलले गठबन्धन देशको आवश्यकता भएको दाबि गरे ।
काँग्रेस भित्र आफुलाई देउवा पक्षमा लागेको भन्ने आरोप आफुले खेपेको बताउदै गठबन्धनको कुरा देउवाले भन्दा अगाडी आफुले उठाएको नेता पौडेलले बताए ।
लोकतन्त्रलाई खतरामा पार्न ओली निमित्त नायक बनेर उदाएको बताउदै नेता पौडेलले प्रचण्ड आफुहरुको प्रतिद्वन्दी नभएकोले माओवादीसँग सहकार्य भएको बताए ।
