- २०८३ असोज ३ शनिबार
काठमाडौँ । करिब दुई महिना अघि आनुवंशिक रूपमा परिमार्जित सुँगुरबाट मुटु प्रत्यारोपण गर्ने एक अमेरिकी पुरुषको निधन भएको छ ।
५७ बर्षिय डेभिड बेनेटको आनुवंशिक रूपमा परिमार्जित सुँगुरबाट मुटु प्रत्यारोपण गरेर दुई महिना बाँचेर निधन भएको बिबिसीले उल्लेख गरेको छ ।
केहि दिन देखि उनको स्वास्थ्य खराब भएको र मार्च ८ मा उनको निधन भएको उनका डाक्टरले उल्लेख गरेका छन् ।
गत जनवरी ७ मा अमेरिकाको बाल्टिमोरमा सात घन्टाको प्रायोगिक प्रक्रियाको तीन दिनपछि बेनेटको मुटु प्रत्यारोपण गरिएको थियो ।
यस प्रत्यारोपणका लागि युनिभर्सिटी अफ मेरील्याण्ड मेडिकल सेन्टरका डाक्टरहरूलाई अमेरिकी चिकित्सा नियामकले प्रक्रिया पूरा गर्न विशेष व्यवस्था गरेर उनको प्रत्यारोपणको अनुमति दिएको थियो । उनलाई मानव प्रत्यारोपणको लागि अयोग्य मानिएको थियो, यो निर्णय प्रायः डाक्टरहरूले लिने गरिन्छ जब बिरामीको स्वास्थ्य धेरै कमजोर हुन्छ ।
शल्यचिकित्सक बार्टले ग्रिफिथले शल्यक्रियाले विश्वलाई अंगको अभावको संकट समाधान गर्न एक कदम नजिक ल्याउने बताइएको थियो ।
अक्टोबर २०२१ मा, न्यूयोर्कका शल्यचिकित्सकहरूले उनीहरूले सफलतापूर्वक एक व्यक्तिमा सुँगुरको मृगौला प्रत्यारोपण गरेका थिए । त्यतिबेला यो अपरेशन फिल्डमा अहिलेसम्मको सबैभन्दा उन्नत प्रयोग थियो । तर, त्यसबेला प्रत्यारोपण गरिएका व्यक्ति ब्रेन डेड भएका थिए ।
बेनेटलाई भने शल्यक्रियाको लागि अगाडी छ हप्तासम्म एक मेसिनसँग जोडियो जसले उनलाई टर्मिनल हृदय रोगको निदान पछि जीवित राख्यो ।
प्रत्यारोपणमा प्रयोग गरिएको सुँगुरलाई आनुवंशिक रूपमा धेरै जीनहरू बाहिर निकाल्न परिमार्जन गरिएको थियो जसले बेनेटको शरीरले अंगलाई अस्वीकार गरेको थियो ।
