- २०८१ बैशाख २३ आइतबार
काठमाडौँ ।अख्तियार दुरुपयोग अनुसन्धान आयोगले गुठी संस्थानको शाखा कार्यालय, थापाथलीमा कार्यरत शाखा अधिकृत लेखनाथ सापकोटालाई घुस लिदा लिदै पक्राउ गरेको छ ।
अख्तियारका अनुसार सामुदायिक सत्तल भवन, काष्ठमण्डप बसन्तपुरको रनिङ्ग बिल भुक्तानी गर्ने प्रयोजनको लागि सेवाग्राहीसँग विभिन्न बहानामा घुस माग गरिरहेको भन्ने उजुरीका आधारमा सापकोटालाई बसन्तपुरबाट २ लाख लाख २० हजार घुस रकम लिंदै गर्दाको अवस्थामा घुस रकम सहित नियन्त्रणमा लिएको जनाएको छ ।
अहिले उनलाई नियन्त्रणमा लिएर अनुसन्धान भइरहेको अख्तियारले जनाएको छ ।
