काठमाडौं । नेपाली कांग्रेसका नेता विमलेन्द्र निधि अस्वस्थ भएका छन् । अहिले काठमाडौँको ओम अस्पतालमा स्वास्थ्य जाँच गरिरहेका निधि आज अस्पतालमै बस्ने बताइएको छ ।
चुनाव प्रचारका क्रममा धेरै नै धपेडी गरेकाले उनको स्वास्थ्यमा समस्या देखिएको डाक्टरले बताएका छन् । डाक्टरहरुले थप परीक्षण गरिरहेकाले रिपोर्ट आउँ केहि समय लाग्ने बताइएको छ ।
धनुषा -३ बाट प्रतिनिधि सभाका लागि उम्मेदवार बनेका निधि चुनाव प्रचारको क्रममा व्यस्त बनेपछि घाँटीको समस्या भएको बताइएको छ ।
निधिका प्रेस सल्लाहकार रामजी दाहालले खरीबोटसँग कुरागर्दै सोमबार दिनभर प्रचारमा व्यस्त हुदा नेता निधि अस्वस्थ भएको बताए । घाँटीमा समस्या भएपछि निधि आजै जनकपुरबाट काठमाडौँ उपचारका लागि आएका थिए ।