मुम्बई । बलिवुडका महानायक अमिताभ बच्चन पछिल्लो हप्ता ठुलो दुर्घटना बाट बचेको खुलासा भएको छ ।
कोलकोतामा आयोजना भएको २३औ अन्तर्राष्ट्रिय फिल्म महोत्सवमा पुगेका बच्चन चढेको कारको पछिल्लो चक्का अचानक फुस्किए पछि दुर्घटना भएको थियो ।
घटना कार्यक्रम सकेर एयरपोर्ट जानेक्रममा भएको भारतीय मिडियाहरुले उल्लेख गरेका छन् । घटनामा बच्चनलाई कुनै चोटपटक भने नलागेको बताइएको छ । घटना पछि कार उपलब्ध गराउने ट्राभल एजेन्सीलाई कारवाही अगाडी बढाइएको बताइएको छ । घटना घटेको करिब एक साता पछि यस्तो खुलासा भएको हो ।