पूर्णरूपमा संविधान कार्यान्वयनको बेला आयो : प्रधानमन्त्री देउवा

खरीबोट
ad

भक्तपुर । प्रधानमन्त्री शेरबहादुर देउवाले संक्रमणकाल अन्त्य गरी पूर्णरूपमा संविधान कार्यान्वयनको बेला आएको बताएका छन् । 

मध्यपुरथिमिस्थित शंखधर चोकमा आज राष्ट्रिय विभूति शंखधर साख्वा प्रतिष्ठानले आयोजना गरेको नेपाल संवत्का प्रर्वद्धक राष्ट्रिय विभूति शंखधर साख्वाको सालिकमा माल्यार्पण तथा सम्मान कार्यक्रममा उहाँले सो कुरा बताएका छन् । 

प्रधानमन्त्री देउवाले भने-“हामी संविधानको पूर्ण कार्यान्वयन र संक्रमणकाल अन्त्य गर्ने चरणमा आएका छौ, आसन्न प्रतिनिधिसभा र प्रदेशसभाको निर्वाचन सम्पन्न गरेर यसलाई पूरा गर्न सक्छौं, त्यसैले निर्वाचन सफल पार्न सबैको सहयोग रहने विश्वास लिएका छौ ।” 

व्यक्तिगत स्वार्थभन्दा माथि उठेर सामाजिक सेवामा लाग्न प्रेरणा दिने नेपाल संवत्का प्रवद्र्धक साख्वाको योगदानको चर्चा गर्दै उनले नेपाली जनतालाई समानताको व्यवहार गर्ने साख्वाले चलाएको यो संवत् नेपालीको मौलिक संवत् भएको पनि बताए । 

प्रधानमन्त्री देउवाले शंखधर बुलेटिन विमोचन गर्नुका साथै नरेन्द्रभक्त हाडा र देवेन्द्रकुमार मल्ललाई सम्मान गरेका थिए । त्यसैगरी प्रतिष्ठानले गोरखा र दोलखाका चरिकोटमा शंखधर साख्वाको सालिक स्थापना गर्नका लागि ती सालिक हस्तान्तरण गरे । 

रक्षामन्त्री भीमसेनदास प्रधानले साख्वाका बारेमा पाठ्यक्रममा समावेश गर्न र आसन्न निर्वाचन शान्तिपूर्णरूपमा सम्पन्न गर्न सबैको सहयोग आवश्यक रहेको बताए । 

राप्रपा प्रजातान्त्रिकका अध्यक्ष पशुपतिशमशेर राणा, एमालेका कृष्णगोपाल श्रेष्ठ, संघीय समाजवादी फोरमका सहअध्यक्ष राजेन्द्र श्रेष्ठ, काठमाडौँ महानगरपालिकाका नगरप्रमुख विद्यासुन्दर शाक्य, मध्यपुरथिमि नगरपालिकाका नगर प्रमुख मदनसुन्दर श्रेष्ठ, प्रतिष्ठानका पूर्व अध्यक्ष मदनकृष्ण श्रेष्ठ, उपाध्यक्ष चन्दनकृष्ण श्रेष्ठलगायतले नेपाल संवत्लाई राष्ट्रिय संवत्को रूपमा लिनुपर्नेमा जोड दिए । 

विभिन्न झाँकी तथा नृत्य प्रस्तुत गरिएको कार्यक्रममा प्रतिष्ठानका अध्यक्ष श्यामकृष्ण मानन्धरले देशको सबै जिल्लामा शंखधर साख्वाको सालिक स्थापना गरिने जानकारी दिए । 

सम्बन्धित समाचार

काँग्रेसमा देउवाविरुद्ध पौडेल र सिटौला एक ठाउमा, युवा नेताहरुको पनि साथ 

काठमाडौँ । निर्वचनमा पाएको पराजय पछि नेपाली काँग्रेसमा विभिन्न गुटउपगुटको गठजोड सुरु भएको छ । पार्टी सभापति शेरबहादुर देउवाले आउदो महाधिवेशनसम्म नेतृत्व पनि नछोड्ने संकेत गरेपछि उनका विरोधी गुटका नेताहरु

अन्तरघात गरेर चुनाव हराउनेलाई कारबाही हुन्छ : सभापति देउवा

धनगढी । नेपाली काँग्रेसका सभापति शेरबहादुर देउवाले चुनावमा अन्तरघात गर्नेहरूलाई कारबाही गरेर पार्टीको संगठनलाई पहिलेको अवस्थामा नपुर्याएसम्म विश्राम नलिने बताएका छन् ।  नेपाली कांग्रेस कैलालीको आज यहाँ प्रथम जिल्ला अधिवेशनको उद्घाटन गर्दै

काँग्रेस सभापति देउवाद्वारा ३ केन्द्रीय सदस्य र ३ महाधिवेशन प्रतिनिधिको मनोनयन, को को परे ?

काठमाडौँ । नेपाली कांग्रेसका सभापति शेरबहादुर देउवाले पार्टीको केन्द्रीय कार्यसमितिमा ३ जनालाई मनोनित गरेका छन् ।  देउवाले बिहीबार लम्जुङका दिलबहादुर घर्ती, दाङकी शिला खड्का र काभ्रेपलाञ्चोकका शिव हुमागाइँलाई केन्द्रीय सदस्य मनोनित

द्वन्द्वका हत्यामा संलग्नलाई छाड्न हुँदैन : देउवा

भक्तपुर / नेपाली काँग्रेसका सभापति एवं पूर्वप्रधानमन्त्री शेरबहादुर देउवाले द्वन्द्वका हत्यामा संलग्नहरुलाई छाड्न नहुनेमा जोड दिएका छन  ।  आज शहीद राधेश्याम जोन्छें स्मृति प्रतिष्ठानको छैटौँ स्मृति सभा तथा छात्रवृत्ति एवं प्रमाणपत्र