- २०८१ बैशाख १४ शुक्रबार
काठमाडौँ। इङल्याण्ड र भारतबीच जारी तेस्रो टेस्टको पहिलो दिन भारत सम्हालिएर खेलेको छ। पहिलो दिनको खेल सकिदा भारतले ६ विकेट गुमाएर ३०७ रन बनाएको छ।
टस हारेर पहिला ब्याटिंग गरेको भारतले कप्तान विराट कोहलीको ९७ र आजिख्य रहानेको ८१ रनको मद्धतले ३०७ रन बनाएको छ। भारतका लागि शिखर धवनले ३५, केएल राहुलले २३, हार्दिक पाण्डेयले १८ र चैतेश्वोर पुजाराले १४ रनको योगदान गरेका थिए।
पहिलो दिनको खेल सकिदा आफ्नो पहिलो टेस्ट क्रिकेट खेलिरहेका विकेट किपर ब्याट्सम्यान रिशव पन्त २२ रन बनाए खेलिरहेका छन्।
भारतीय पारीमा कप्तान कोहली र रहानेबीच १६९ रनको साझेदारी बनेको थियो भने ओपनर धवन र राहुलले राम्रो सुरुवात गर्दै ६० रनको साझेदारी गरेका थिए।
इङल्याण्डका लागि क्रिश वोक्सले ३ विकेट लिए भने आदिल रशिद, जिम्मी एण्डरशन र स्टुअर्ट बोर्डले एक एक विकेट लिए।
यस अघि खेलिएका २ टेस्ट खेलमा दुवैमा इङल्याण्डले जित हासिल गर्दै ५ टेस्टको सिरिजमा २-० को अग्रता हासिल गरेको छ।
