- २०८१ बैशाख १८ मंगलबार
काठमाडौँ । त्रिभुवन अन्तर्राष्ट्रिय विमानस्थलबाट साढे दुई किलो सुनसहित २ जना भारतीय नागरिक पक्राउ परेका छन् ।
शनिबार थाई एयरलाइन्सको विमानबाट बैंकक हुँदै काठमाडौं आउँदै गरेका २ जना भारतीय नागरिकको साथबाट २ किलो ५ सय ७० ग्राम सुन बरामद भएको विमानस्थल प्रहरीले जनाएको छ ।
शनिबार दिउँसो थाई एयलाइन्सको टिजी ३१९ फ्लाइटमार्फत् काठमाडौं आएका भारतीय नागरिक इमरान र अरिफ अलीको साथबाट उक्त सुन बरामद भएको हो। उनीहरुले सुन मलद्वारमा लुकाएर ल्याएको प्रहरीले जनाएको छ ।
पक्राउ परेका भारतीय नागरिकलाई विमानस्थल भन्सारमा बुझाइएको विमानस्थल प्रहरीले जनाएको छ।
