- २०८१ बैशाख १७ सोमबार
रुकुम । रुकुम पूर्वको सिस्ने गाउँपालिका–५, धारापानीमा जीप दुर्घटनामा ७ जनाले ज्यान गुमाएका छन् ।
ज्यान गुमाएका ६ जनाको सनाखत भएको प्रहरीले जनाएको छ ।
सिस्ने गाउँपालिकाको रुकुमकोटबाट धौलापैरा भन्ने ठाउँमा जाँदै गरेको लु १ ज २५७३ नम्बरको जीप बुधबार करिब दिउँसो २ बजे धार्पानीमा दुर्घटना हुँदा ७ जनाको ज्यान गएकाे प्रहरीले जनाएकाे छ ।
जिल्ला प्रहरी कार्यालय रुकुम पूर्वका अनुसार मृत्यु हुनेमा पुथाउत्तरगंगा गाउँपालिका–२, का किरण पुन, सोही गाउँपालिका–१, का कुमार पुन, बुद्धिराज पुन र पुथाउत्तरगंगा गाउँपालिका–१३ कि तिर्सना तुलाचन, पुथा उत्तरगंगा १४ कि सालिनि बर्मा र बाँके कोहरपुर निवासी ललिता परियार, भुमे गाउँपालिका ४ का अर्जुन बिक रहेका छन् ।
दुर्घटनामा परि ५ जना घाइते भएका छन् । दुर्घटनामा मुसिकोट नरपालिका रुकुम पश्चिमका गाडी चालक जयबीर कामी, पुथा उत्तरगंगा गाउँपालिका ११ रुकुम पूर्वका प्रमिला बुढामगर, पुथा उत्तरगंगा गाउँपालिका २ का धनिराम पुन र सम्झना पुन घाइते भएकाे प्रहरीले जनाएकाे छ ।
घाइतेमध्ये धनिराम बिक र अर्जुन बिकको अवस्था गम्भीर रहेको बताइएको छ । उनीहरुको थप उपचारका लागि हेलिकोप्टर मार्फत अस्पताल लैजाने तयारी भैरहेकाे छ ।
