- २०८१ बैशाख १४ शुक्रबार
मुम्बई । बलिवुड अभिनेता मिथुनका छोरा मिमोहले अन्तत विवाह गरेका छन् ।
बलात्कार र धोखाधडीको आरोप लागेपछि ७ जुलाईमा हुने भनिए विवाह रद्ध भएपछि मिमोह र मदलासा शर्मावीच मंगलबार विवाह सम्पन्न भएको छ । फिल्मफेयरका अनुसार विवाह एक गोप्य पारिवारिक जमघटका बीच सम्पन्न भएको छ ।
यसअघि मिमोह र मिथुनकी पत्नी योगिता बालीलाई बलत्कार र धोकाधडीको मामलामा अदालतले अग्रिम जमानत दिएको थियो ।
मिमोहले एक भोजपुर अभिनेत्रीलाई विवाह गर्ने प्रलोभन देखाएर करिब ४ बर्षसम्म यौन शोषण गरेको आरोप लगाउदै अदालत गएपछि ७ जुलाईमा मिमोह र मदलसाको विवाह रोकिएको थियो । परिवार विवाहको तयारीमा जुटीरहेको स्थानमा प्रहरी पुगेपछि विवाह स्थगित भएको थियो ।
मिमोहविरुद्ध मुद्धा दायर गरेकी अभिनेत्रीले आफुलाई धोका दिएको र आफु गर्भवती भएको बेला मिमोहले औषधि दिएर गर्भपात गराएको आरोप लगाएकी छन् ।
अभिनेता मिथुनका तीन छोरा र एक छोरी छन् ।
