- २०८१ बैशाख २० बिहीबार
काठमाडौं । नेपाल आयल निगमले पेट्रोलियम पदार्थको मूल्य फेरि बढाएको छ ।
शनिबार राति बाट लागुहुने गरि निगमले पेट्रोल, डिजेल तथा मट्टीतेलको मूल्यमा ३, ३ रुपैयाँले वृद्धि गरेको छ ।
नयाँ मुल्य अनुसार पेट्रोल प्रति लिटरको अब ११३ रुपैयाँ पुगेको छ भने डिजेल र मटि्टतेलको मूल्य प्रति लिटर ९५ रुपैयाँ पुगेको छ ।
भारतीय आयल कर्पोरेशनले शुक्रबार नयाँ मूल्यसूची पठाएसँगै निगमले मुल्य बढाएको जनाएको छ ।
यो मूल्य समायोजनपछि पनि निगमलाई पेट्रोलमा प्रतिलिटर १.५९ रूपैया र डिजेलमा ३.४९ रूपैयाँ घाटा छ । ग्यासमा प्रतिसिलिन्डर १३९ रुपैयाँ घाटा रहेको निगमले जनाएको छ ।
निगमले आन्तरिक हवाई इन्धनमा प्रतिलिटर ५ रुपैयाँ र अन्तर्राष्ट्रिय तर्फको हवाई इन्धनमा प्रतिहजार लिटर ७५ डलर रुपैयाँ बढेको छ ।
निगमले यसअघि जेठ २ गते पेट्रोलियम पदार्थको मुल्य वृद्धि गरेको थियो ।
