ट्रम्प र किमको भेटवार्ता रद्ध, फेरी बिग्रियो अमेरिका उत्तर कोरिया सम्बन्ध 

खरीबोट

काठमाडौँ । अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोंग उनबीचको भेटवार्ता रद्ध भएको छ ।

राष्ट्रपति ट्रम्पले एक पत्र लेख्दै किमसँग हुने भेट रद्ध गरेको जानकारी दिएका हुन् । उनले यो समय भेटका लागि उपयुक्त समय नभएको भन्दै भेट नगर्ने जानकारी गराएका हुन् ।

उनले आफु किमसँग भेट्न निकै उत्सुक भएपनि किमको हालैको कडा बयानबाट अहिले भेट गर्न उचित नभएको उल्लेख गरेका छन् ।

पत्रमा ट्रम्पले किमलाई सम्बोधन गर्दै किमले आफ्नो परमाणु क्षमताको कुरा गरेको तर अमेरिकाको परमाणु क्षमता यति छकी मैले इश्वरसँग प्राथना गर्दछुकी यो कहिल्लै प्रयोग गर्ने अवसर नजुटोस् भनेका छन् ।

यसअघि उत्तर कोरियाका अधिकारी चो सन हुइले उत्तर कोरियाले अमेरिकासँग वार्ताका लागि नगिडगीडाउने र कुटनीतिक पहल असफल भएमा आफ्नो परमाणु शक्ति देखाइदिने बताएका थिए ।

यसअघि ट्रम्प र किमको आगामी जुन महिनाको १२ तारिखमा सिंगापुरमा भेटवार्ता हुने भएको थियो ।

भेटवार्ताको मिति बारे अमेरिकी राष्ट्रपति डोनाल्ड ट्रम्पले ट्वीटरमार्फत आफै जानकारी दिएका थिए । भेट बारे जानकारी दिदै ट्रम्पले आफुहरु दुवैले विश्व शान्तिका लागि यो निकै महत्वपूर्ण अवसर हुने उल्लेख गरेका थिए ।

यसअघि उतर कोरियाले बुधबार मात्र आफ्नो हिरासतमा रहेका तीन अमेरिकी नागरिकलाई रिहा गरेर वातावारण सहज बनाएको थियो ।

उत्तर कोरियाले आफ्नो हिरासतमा रहेका अमेरिकी नागरिक किम हक सोंग, टोनी किम र किम डोंगचुललाई अमेरिकी विदेशमन्त्री पोम्पेओको रोहबरमा छोडेको थियो ।

पक्राउ परेका किम डोंग चुल सन २०१५मा जासुसीको आरोपमा पक्राउ परेका थिए भने टोनी किम अप्रिल २०१७ मा जासुसीकै आरोपमा पक्राउ परेका थिए । उनि प्योंगयांग विश्वविद्यालय साइन्स एण्ड टेक्नोलोजीमा काम गर्ने गर्दथे । त्यस्तै किम हक सोंग २०१७ को मेमा उत्तर कोरी मा संदिग्ध गतिविधि गरेको आरोपमा पक्राउ परेका थिए ।
    
    

सम्बन्धित समाचार

राष्ट्रपतीय चुनावबारे अनुसन्धानमा सहयोग गर्न ट्रम्पको आदेश

वासिङ्टन । अमेरिकी राष्ट्रपति डोनाल्ड ट्रम्पले ह्वाइट हाउसका कर्मचारी डन म्याकगन र अरु कर्मचारीलाई गत राष्ट्रपतीय चुनावमा मस्कोसँगको सम्भावित साँठगाँठका विषयमा भइरहेको अनुसन्धानमा सहयोग गर्न आदेश दिइसकेको बताएका छन् । अमेरिकी

अमेरिकी राष्ट्रपति ट्रम्पमाथि ३०० बढी पत्रपत्रिकाको एकसाथ ‘सम्पादकीय—आक्रमण’

काठमाडौं । आफूहरुमाथि राष्ट्रपति डोनाल्ड ट्रम्प हावी भएपछि अमेरिकी मिडियाहरुले एकसाथ उभिएर उनीविरुद्ध ‘सम्पादकीय–आक्रमण’ गरेका छन् । बीबीसीका अनुसार करिब ३ सयभन्दा धेरै अमेरिकी मिडिया आउटलेटहरुले ‘आफूहरु जनताविरोधी नभएको’ भन्दै

मेलानिया ट्रम्पका बाबुआमाले अमेरिकी नागरिकता लिए

न्यूयोर्क। अमेरिकी प्रथम महिला मेलानिया ट्रम्पका स्लोभेनियाली बाबुआमाले बिहीबार औपचारिक रुपमा अमेरिकी नागरिकता प्राप्त गरेका छन् ।  राष्ट्रपति डोनाल्ड ट्रम्पका ससुरा भिक्टर र सासु अमालिजा नाभ्सले अमेरिकी नागरिकता लिएको आप्रवासन सम्बन्धी

बलिवुड अभिनेता इरफान खानको क्यान्सरको उपचार जारी, चौथो किमो दिइयो    

मुम्बई । बलिवुड अभिनेता इरफान खानलाई लागेको दुर्लभ रोग न्युरो एन्ड्रोक्राइन ट्युमरको उपचार लन्डनमा भइरहेको ।  इरफानले आफ्नो उपचारको बारेमा समाचार एजेन्सी एशोसियट्स प्रेसलाई एक अन्तर्वार्ता दिदै पछिल्लो अपडेट दिएका छन्।