क्षयरोगसम्बन्धी अभिमुखीकरण गर्दै विद्यालयमा क्षयरोगीको खोजी

खरीबोट
ad

भक्तपुर । नेपाल क्षयरोग निवारण संस्था भक्तपुरले ‘क्षयरोग खोजी गरी उपचारमा ल्याउने’ कार्यक्रमअन्तर्गत शारदा माध्यमिक विद्यालयमा क्षयरोगीको खोजी अभियान शुरु गरेको छ । 

संस्थाले विद्यार्थीबीच क्षयरोगसम्बन्धी अभिमुखीकरण कार्यक्रम गर्दै क्षयरोगीको खोजी शुरु गरेको हो । विद्यार्थीहरुमार्फत घरघरमा लुकेर बसेका क्षयरोगीको खोजी गर्ने र पत्ता लागेका क्षयरोगीलाई उपचारको दायरामा ल्याएर निको बनाउने उद्देश्यले विद्यालयमा अभिमुखीकरण अभियान थालेको संस्थाका सभापति राम सिख्वले बताए । 

गत वर्षको तुलनामा यसवर्ष भक्तपुरमा क्षयरोगी बिरामीको संख्या घटेको जानकारी दिँदै सभापति सिख्वले भने, ‘अझैपनि लुकेर रहेका क्षयरोगका बिरामी पत्ता लगाउन बाँकी रहेकाले त्यस्ता क्षयरोगी पत्ता लगाई उपचारको दायरामा ल्याउने उद्देश्यले नै राष्ट्रिय क्षयरोग केन्द्र थिमिको सहयोगमा कार्यक्रम संचालन गरेका हौँ ।’ 

कार्यक्रममा क्षयरोगका लक्षण, यसले पार्ने असर र क्षयरोगको उपचार विधिबारे विद्यार्थीलाई प्रशिक्षक एवं संस्थाका निर्वतमान सभापति बाबुकाजी श्रेष्ठले अभिमुखीकरण गरेका थिए । 

शारदा माविका ४० विद्यार्थी सहभागी उक्त कार्यक्रममा क्षयरोग पत्ता लगाउने प्रश्नावली वितरण गरी तथ्यांक संकलन गर्ने कार्यसमेत भएको संस्थाका कार्यालय सचिव हिरण्यप्रताप सांगामीले जानकारी दिए । 

अभियानको रुपमा संचालन गर्दै आइरहेको उक्त कार्यक्रम हालसम्म चार वटा विद्यालयमा संचालन गरिसकेको र तीन वटामा निःशुल्क खकार शिविर गरिसकेको संस्थाका सचिव राजेश्वरी शिल्पकारले जानकारी दिए ।

सम्बन्धित समाचार

क्षयरोगसम्बन्धी अभिमुखीकरण गर्दै विद्यालयमा क्षयरोगीको खोजी

भक्तपुर । नेपाल क्षयरोग निवारण संस्था भक्तपुरले ‘क्षयरोग खोजी गरी उपचारमा ल्याउने’ कार्यक्रमअन्तर्गत शारदा माध्यमिक विद्यालयमा क्षयरोगीको खोजी अभियान शुरु गरेको छ ।  संस्थाले विद्यार्थीबीच क्षयरोगसम्बन्धी अभिमुखीकरण कार्यक्रम गर्दै क्षयरोगीको खोजी

नेपालमा प्रत्येक वर्ष ४५ हजार क्षयरोगी थपिँदै

भक्तपुर । नेपाललाई सन् २०३५ सम्ममा क्षयरोग मुक्त देश बनाउने सरकारले लक्ष्य लिएको छ । विश्व स्वास्थ्य संगठनको विश्वव्यापी क्षयरोग उन्मूलन गर्ने लक्ष्यअनुरुप नेपाललाई पनि क्षयरोग मुक्त देश बनाउन सरकारले

बर्षेनी ४५ हजार क्षयरोगका बिरामी बढ्छन्, २८ हजार क्षयरोगी उपचार बाहिर

भक्तपुर । नेपालमा अझै २८ हजार क्षयरोगी उपचारको दायराबाट बाहिर रहेको एक तथ्याङ्कले देखाएको छ ।  नेपालमा वर्षेनी ४५ हजार नयाँ क्षयरोगी थपिए पनि तीमध्ये १३ हजार उपचारको दायरामा नआउने राष्ट्रिय

दुई क्लसटरमा क्षयरोग प्रिभ्यालेन्स् सर्वे हुने

बारा । क्षयरोगका विरामीको आकलन गर्न बाराको २ वटा क्लसटरमा रहेर क्षयरोग (टिवी) प्रिभ्यालेन्स सर्वे हुने भएको छ ।  जिल्ला जनस्वास्थ्य कार्यलय बाराले क्षयरोग (टिवी) प्रिभ्यालेन्स सर्वे सम्बन्धि एक दिने जिल्ला