प्रदेश न. २ मा चुनाव : जलेश्वरको प्रमुख पदका लागि राजपा नेपालका नौ आकाँक्षी

खरीबोट
ad

गौशाला । तेस्रो चरणअन्तर्गत प्रदेश नं २ मा हुने स्थानीय तह निर्वाचनमा राष्ट्रिय जनता पार्टी नेपालबाट महोत्तरीे जलेश्वर नगरपालिकाको प्रमुख पदमा नौ जना आकाँक्षी देखिएका छन् ।

पार्टी चुनावमा जाने निर्णय गरेलगत्तै महोत्तरी जिल्लामा पार्टीले उम्मेदवारको टुंगो लगाउन खटाएको केन्द्रीय पर्यवेक्षक गोविन्द चौधरीका अनुसार जलेश्वरमा सर्वसम्मतिको वातावरण बन्न नसकेपछि प्रमुख पदमा नौ जना सम्भाव्य उम्मेदवारका नाम आएका छन् । राजपा नेपालबाट नगरप्रमुख पदका सम्भाव्य उम्मेदवारमा सुशील शर्मा, सुरेश पाण्डे, सुरेशप्रसाद सिंह, सुरेन्द्रप्रसाद सिंह, दीपुकुमार साह, रामशंकर मिश्र, रोशन महासेठ, रामसिकिल चौधरी र जयरुद्र झा रहेको केन्द्रीय पर्यवेक्षक चौधरीले बताए ।

त्यस्तै उमप्रमुखमा पनि सहमतिको वातावरण बन्न नसकेपछि पाँच जनाको नाम आएको पर्यवेक्षक चौधरीले बताए । उपप्रमुखका लागि गुन्जनकुमारी राय, मुनचुन देवी महतो, अनिताकुमारी साह, प्रान्ती पाठक र कलिमा खातुनको नाम आएको उनले बताए । राजपा नेपालका विगत तीन दिनदेखि पटकपटक जलेश्वरमा बसेको बैठकले सर्वसम्मतिको वातावरण तयार गर्न नसक्दा जलेश्वरका प्रमुखमा नौ जना र उपप्रमुखमा पाँच जना सम्भाव्य उम्मेदवारको नाम अघि आएको छ ।

यसैबीच सो पार्टीको केन्द्रीय समितिले महोत्तरीमा सर्वसम्मतिको वातावरण बनाउन डा विजय सिंह, श्रीमती सुरिता साह, सुनिल रोहित, रानी तिवारी, जैनुल राईन र श्याम यादवसहितका छ सदस्य उच्चस्तरीय समिति पठाएको छ । सो उच्चस्तरीय समितिले जलेश्वरका प्रमुख र उपप्रमुखमा सर्वसम्मतिका लागि प्रयास गरिरहेका छन् ।

तर यस उच्चस्तरीय समितिले पनि सर्वसम्मती रुपमा उम्मेदवारको नाम टुंगो लगाउन नसकेपछि केन्द्रीय समितिले नै यहाँको प्रमुख र उपप्रमुखको नाम टुंगो लगाउने केन्द्रीय पर्यवेक्षक गोविन्द चौधरीले बताए । दश नगरपालिका र पाँच गाउँपालिका रहेको महोत्तरीेमा राजपाका लागि जलेश्वर नगरपालिकामा नै उम्मेदवार चयन गर्न मुख्य समस्या भएको छ भने अन्य नगरपालिका र गाउँपालिकामा त्यति खासै समस्या नरहेको सो दलका नेताहरु बताउँछन् ।

सम्बन्धित समाचार

प्रदेश २ को सरकारबाट राजपा फिर्ता हुन्छ : महासचिव सुमन

काठमाडौं । राष्ट्रिय जनता पार्टी नेपालका महासचिव एवम् प्रदेश सभा सदस्य मनिष सुमनले प्रदेश नम्बर २ को फोरम नेतृत्वको सरकारबाट आफ्नो पार्टी फिर्ता हुने स्पष्ट पारेका छन् । बुधबार रिपोर्टर्स क्लब

जन्मेकै दिन फुट्यो राजपा, ३३ जना केन्द्रीय नेताले बनाए राजपा – लोकतान्त्रिक 

काठमाडौं । मधेसवादी दल राष्ट्रिय जनता नेपाल (राजपा) फुटेको छ । राजपा नेपालका उपाध्यक्ष अशोक कुमार यादवको नेतृत्वमा पदाधिकारी र केन्द्रिय सदस्यहरु राजपाबाट अलग्गिएर राष्ट्रिय जनता पार्टी (लोकतान्त्रिक) घोषणा गरेका

राप्रपा र राजपाले प्रधानमन्त्री ओलीलाई मत दिने, फोरमले आजै निर्णय लिने

काठमाडौँ ।  राष्ट्रिय प्रजातन्त्र पार्टीले प्रधानमन्त्री केपी शर्मा ओलीलाई विश्वासको मत दिने भएको छ । आज प्रतिनिधि सभामा प्रधानमन्त्री ओलीले लिने विस्वासको मतको पक्षमा मत दिने राप्रपाले जनाएको छ ।  पार्टीका प्रवक्ता भुवन पाठकले

विश्वासको मत लिदा प्रधानमन्त्री ओलीलाई राजपाले समर्थन गर्ने 

काठमाडौँ  ।  राष्ट्रिय जनता पार्टी (राजपा)ले प्रधानमन्त्री केपी ओलीलाई समर्थन गर्ने भएको छ । आइतबार बस्ने प्रतिनिधिसभाको बैठकमा प्रधानमन्त्रीले विश्वासको मत लिँदा आफूहरुले पक्षमा मतदान गर्ने पार्टीका अध्यक्ष मण्डलका सदस्य राजकिशोर