छ ठूला बैंकहरुको नाफा घट्यो, नाफा बढाउने २२ मध्ये राष्ट्रिय वाणिज्य बैंकको नाफा उच्च

काठमाडौं । सञ्चालनमा रहेका २८ वटा बाँणिज्य बैकहरु मध्येमा २२ वटा बैकहरुको नाफा बढ्दा छ वटा बैकहरुको नाफा घटेको छ । बैंकहरुले सार्वजनिक गरेको चालु आर्थिक बर्षको तेस्रो त्रैमासिक बित्तीय प्रतिवेदन अनुसार नेपाल बंगलादेश बैंक, मेगा बैंक सहितका छ वटा बैकहरुको नाफा अहिले घटेको छ ।

नेपाल बंगलादेश बैंकले चालु आवको तेस्रो त्रैमसिक अवधिमा ७१ करोड तीन लाख ४१ हजार रुपैयाँ खुद मुनाफा आर्जन गरेको छ । यो मुनाफा बैंकको गत आवको सोही अवधिको तुलनामा १० करोड रुपैयाँले कम हो । बैंकले गत आवको तेस्रो त्रैमासमा ८२ करोड ७६ लाख ६८ हजार रुपैयाँ खुद मुनाफा कमाएको थियो ।

यसैगरी ग्लोवल आईएमई बैंकको नाफा पनि घटेको छ । गत आवको तेस्रो त्रैमासमा एक अर्ब ४७ करोड ६० लाख ७९ हजार रुपैयाँ खुद मुनाफा कमाएको ग्लोवलले चालु आवको तेस्रो त्रैमासमा एक अर्ब ४५ करोड ९५ लाख २१ हजार रुपैयाँ खुद मुनाफा कमाएको छ ।

यसैगरी मेगा बैंकको नाफा पनि घटेको छ । गत आवको तेस्रो त्रैमासमा ५४ करोड २४ लाख २१ हजार रुपैयाँ खुद मुनाफा कमाएको मेगाले चालु आवको तेस्रो त्रैमासमा ५२ करोड ४९ लाख चार हजार रुपैयाँ खुद मुनाफा कमाएको छ ।

चालु आवको तेस्रो त्रैमासमा प्रभु बैंकको नाफा पनि घटेको छ । गत आवको तेस्रो त्रैमासमा एक अर्ब ४४ करोड ५८ लाख ६० हजार रुपैयाँ खुद मुनाफा कमाएको प्रभुले चालु आवको तेस्रो त्रैमासमा ८६ करोड ७२ लाख २४ हजार रुपैयाँ खुद मुनाफा आर्जन गरेको थियो । गत आवको तेस्रो त्रैमासमा एक अर्ब ५१ लाख ५२ हजार रुपैयाँ खुद मुनाफा आर्जन गरेको बैंकको माछापुछ्रेको नाफा घटेर ८१ करोड ५० लाख ९६ हजार रुपैयाँ खुद मुनाफा आर्जन गरेको छ । यसबाहेक एनआईसी एशिया बैकको नाफा पनि गत आवको तेस्रो त्रैमासको तुलनामा चालु आवको तेस्रो त्रैमासमा सामान्यरुपमा घटेको छ ।

यसबाहेक बाँकी २२ वटा बैकहरुको नाफा भने गत आवको तेस्रो त्रैमासको तुलनामा बढेको छ । सो मध्ये राष्ट्रिय बाँणिज्य बैकले गत आवको तेस्रो त्रैमासमा दुई अर्ब सात करोड ४९ लाख ७८ हजार रुपैयाँ खुद मुनाफा आर्जन गरेकोमा चालु आवको तेस्रो त्रैमासमा बैंकको नाफा बढेर तीन अर्ब आठ करोड ४५ लाख ८५ हजार रुपैयाँ खुद मुनाफा आर्जन गरेको छ ।

नेपाल इन्भेष्टमेन्ट बैंकको नाफा पनि बढेर दुई अर्ब ८६ करोड ८६ लाख ४९ हजार रुपैयाँ पुगेको छ । गत आवको सोही अवधिमा बैंकको यस्तो मुनाफा दुई अर्ब ३७ करोड ७६ लाख ९९ हजार रुपैयाँ खुद मुनाफा आर्जन गरेको छ । नविल बैंकले पनि गत आवको तेस्रो त्रैमासमा दुई अर्ब ६८ करोड ३७ लाख ४० हजार रुपैयाँ खुद मुनाफा कमाएकोमा चालु आवको तेस्रो त्रैमासमा दुई अर्ब ७९ करोड रुपैयाँ खुद मुनाफा आर्जन गरेको छ । यि बाहेक नेपाल बैंक, कृषि बिकास बैक, एभरेष्ट बैंक, प्राईम कर्मसियल बैंक, बैंक अफ काठमाडौं, सानिमा बैंक, स्टान्र्डड चार्टड बैंक आदिको नाफा पनि गत आवको सोही अवधिको तुलनामा बढेको छ ।

नाफा बढाउन सफल भएका बैंकहरु (रकम रु हजारमा)

क्रस बैकको नाम चुक्ता पुंजी खुद मुनाफा (२०७४ चैत) खुद मुनाफा (२०७३ चैत)

१ राष्ट्रिय बाँणिज्य बैक ८५८८९७२ ३०८४५८५ २०७४९७८

२ नेपाल इन्भेष्टमेन्ट बैंक १०७४४०९९ २८६८६४९ २३७७६९९

३ नविल बैंक ८०४३२२१ २७९९३०७ २६८३७४०

४ नेपाल बैंक ८०४२६६२ २५६७७२६ २५१५८५२

५ एभरेष्ट बैंक ८१०६८६३ १८०३४८१ १५२५८८२

६ कृषि बिकास बैक १३९३७९२८ १७८८३८७ १५७४८०४

७ हिमालयन बैक ८११४५२९ १६११८०२ १५३५१५१

८ स्टान्र्डड चार्टड बैंक ८०११४३१ १५०९६३८ १०६४२८३

९ एनएमबी बैंक ६४६१७७४ १४६६९२१ ११४३५८९

१० नेपाल एसबिआई बैंक ८०४६९०५ १३८२५०१ ११०४४००