- २०८१ बैशाख १४ शुक्रबार
मुम्बई । बलिवुड अभिनेत्री नेहा धुपियालाई नयाँ प्रेमीसँग लन्च डेट गरिरहेको बेला मुम्बईको एक रेस्टुरेन्ट अगाडी देखिएको छ ।
अंगद बेदीसँग अहिले नेहाले डेट गरिरहेको चर्चा अहिले बलिवुडमा चलिरहेको छ ।
हाल आफ्नै टक शो चलाइरहेकी नेहाले पछिल्लो समय बलिवुडमा विभिन्न फिल्ममा अभिनय समेत गरेकी छन् । केहि समय अघि आफ्ना साथीहरुको सहयोगमा अंगदको सम्पर्कमा आएकी नेहा अहिले उनीसंग सार्वजनिक ठाउहरुमा देखिन थालेपछी दुवैको सम्बन्ध साथिभन्दा बढी भएको बलिवुडमा चर्चा हुन थालेको छ ।
त्यस्तै सामाजिक संजालमा पनि यी दुईले एक अर्काको तस्विर प्रति गरेको कमेन्टलाई आधार मानेर पनि बलिवुडमा यी दुई हाल प्रेममा रहेको सजिलै अनुमान गर्न सकिन्छ ।
३७ बर्षिय अभिनेत्री नेहाले २०१७ मा हिन्दी मिडियम, तुम्हारी सल्लु, करिब करिब सिंगल जस्ता फिल्ममा अभिनय गरेकी थिइन् भने यस बर्ष उनको बम्बे टाकिज २ फिल्म आउदै छ ।
२००२ कि मिस इंडिया युनिभर्स समेत रहेकी नेहाले टेलिभिजनमा एमटिभी रोडिज जस्तो चर्चित शोमा समेत कम गरेकी छन् ।
