- २०८१ कार्तिक १६ शुक्रबार
काठमाडौँ । कतारमा २०२२ मा हुने विश्वकप फुटबलको एसियाको छनौट खेलको दोस्रो राउण्डको खेल तालिका सार्बजनिक भएको छ ।
एशियन फुटबल फेडेरेसनले सार्बजनिक गरेको तालिका अनुसार नेपालले चाइनिज ताइपेइविरुद्ध मार्च २५ (चैत्र १२ गते ) खेल्ने छ भने अस्ट्रेलियाविरुद्ध मार्च ३० (चैत्र १७ ) मा खेल्ने छ । त्यस्तै नेपालले जोर्डनविरुद्ध जुन ७ (जेठ २४, २०७८) मा खेल्ने छ ।
नेपालले समुह बि मा खेलेका पाँच खेलमा ३ अंक हासिल गरेको छ । यस समुहमा अस्ट्रेलिया ४ खेलमा १२ अंक सहित शिर्ष स्थानमा रहेको छ ।
नेपालले विश्वकप छनौटको अन्तिम खेल भुटानमा कुवेतविरुद्ध १-० ले गुमाएको थियो ।
नेपालले खेल्ने बाँकी विश्वकपका सबै खेल घरेलु मैदानमै खेल्ने छ तर कोरोना महामारी जारी रहेमा परिस्थिति हेरेर अरु कुनै स्थानमा पनि खेल हुनसक्ने एन्फाले जनाएको छ ।
यस अघि मार्च र अप्रिल मै हुनुपर्ने खेलहरु कोरोनाका कारण स्थगित भएका थिए । त्यसपछि अक्टोबर-नोभेम्बरमा हुने भनिएको भएपनि महामारी नरोकिएपछि अर्को बर्षका लागि सरेको थियो ।
