- २०८३ असोज ३० शुक्रबार
काठमाडौँ । अत्यधिक हिमपातका कारण अवरुद्ध कर्णाली करिडोरअन्तर्गतको नारापास–हिल्सा सडकखण्ड खुलाउन पूर्वाधार विकास मन्त्रालयको टोलीले काम तीव्र पारेको छ ।
करिब ४ हजार ५०० मिटर उचाइमा रहेको उक्त सडकखण्डको नाउरपानी क्षेत्रमा आवश्यक उपकरण परिचालन गरी हिउँ पन्छाउने काम भइरहेको छ । जोखिमपूर्ण अवस्थामा पनि सडक खुलाउन टोली खटिएको छ ।
रोजगारीका लागि हिल्साबाट चीनको ताक्लाकोट पुगेका नेपाली नागरिकलाई दसैँमा घर फर्कन सहज बनाउने उद्देश्यले सडक खुलाउने कामलाई तीव्रता दिइएको हो ।
आवश्यक जनशक्ति र उपकरण परिचालन गरिएको उक्त सडकखण्ड तीन दिनभित्र सञ्चालनमा ल्याउने लक्ष्य राखिएको मन्त्रालयले जनाएको छ ।
