- २०८३ असोज २६ सोमबार
काठमाडौँ । नेपाली कांग्रेसको खुलातर्फको उपसभापतिमा चन्द्र भण्डारी र मधु आचार्य विजयी भएका छन् ।
शुरुदेखि नै अग्रता हासिल गरेका भण्डारीले ३७३५ मत प्राप्त गर्दै विजयी भएका हुन् भने आचार्यले २३४२ मत प्राप्त गरेका थिए ।
त्यस्तै गोविन्द भट्टराईले १७५२, सुरेन्द्रराज पाण्डेले १६७३, धनराज गुरुङले १५९६, दीपक गिरीले ९२३, डा. चन्द्रमोहन यादवले ७६० मत प्राप्त गरेका छन् ।
त्यसैगरी समावेशी उपसभापतिमा विनोद चौधरी विजयी भएका छन् । चौधरीले १७४५ मत प्राप्त गर्दै विजयी भएका हुन् । उनका प्रतिष्पर्धी जीवन परियारले १६५८, फरमुल्लाह मंसुरले ११४४, सीता गुरुङले १११२ र रंजीत कर्णले ५६२ मत प्राप्त गरेका थिए ।
